BR LA UNION – Inlawlawag ni social researcher and futurist Mark McCrindle iti kayat a sawen ti naduma-duma a generation.
Iti Generation Builders a naipasngay manipud 1925 agingga 1946 ket makunkuna nga adigi ti pagilian.
Iti nasao nga henerasyon ket ipakpakita da iti kinatibker manipud kadagiti pannubok ti panawen, agsipudta nangrugi ti biag da kalpasan iti depression ken mangngegan kadakuada iti istorya ti maikadwa a gubat sangalubongan, a naggapo met kadagiti nagannak da a nagbiag idi World War 2.
Isuda iti maibilang a seniors ti komunidad ken impasdek da dagiti institusyon ken imprastraktura.
Dagiti met naipasngay manipud 1946 agingga 1964 ket maaw-awagan a Baby Boomers.
Isuda iti henerasyon kalpasan ti World War II nga iti fertility rate dagiti babbai ket 3.5 a maladaga kada babae.
Iti panagngato ti populasyon ket nagresulta iti panag-BOOM ti ekonomiya, pabalay, konstruksyon ken imprastruktura.
Iti Generation X, dagitoy met dagiti naipasngay manipud 1965 agingga 1979.
Kapad-padada dagiti Baby Boomers nga adu ti naaddaan kadakuada ti property ownership bandwagon.
Iti X label ket manipud kenni Douglas Coupland a maysa a Canadian novelist designer ken visual artist.
Maibilang a ti GenX ita a panawen ket natibker gaputi kaadu iti naglabasan a pannubok, nangruna iti rigat.
Dagiti Generation Y wenno nalatak a Millennials ket naipasngay manipud 1980 aginggan 1994.
Dagitoy ket mahilig iti smashed avocado, kape ken panagbiyahe iti sabali a pagilian. Ngem arigna a saan da a makarwar iti housing market agsipudta iti dayta a panawen ket ngimmato iti presyo ti pabalay idinto a saan met a ngumato ti suweldo.
Dagiti Generation Z a naipasngay manipud 1995 agingga 2009 ket imbilang da a kapatgan iti edukasyon a pattien da nga agserbi a pundasyon iti biag.
Iti nasao nga henerasyon, nakasentro ti panunot da a kasapolan ti agtrabaho tapno magun-od dagiti tar-tarigagayan iti biag.
Naawagan met a Generation Alpha dagiti naipasngay manipud 2010 agingga 2024 gaputa saan da pay a nataengan ket mangrugi-rugi da iti baro.
Isuda iti mahul-hulma a baro a millenium agsipudta iti panawen da a timpuar dagiti naduma-duma a social media platform ken kabarwanan a teknolohiya.
Dagitoy ket addaanen ti ammo ken kabaelan da nga iyistorya ti maipapan iti napasamak a COVID-19 pandemic.
Bayat a ti Generation Beta a nangrugi ita a tawen 2025 agingga 2039 ket maaawagan a technologically integrated generation.
