Kinondenar ti Angeles City Police Office ti saan a maiyannatop nga aksyon ti kabaro da kasaruno ti nagviral nga insidente iti panang-sita da iti maysa a truck driver. Segun iti opisina, madama dan a mangisaysayangkat iti nauneg nga imbestigasyon kadagiti karaman a pulis.
Kinuna ni Police Colonel Joselito E Villarosa Junior a ti wagas a panang-sita dagiti nasao a pulis ket saan a maibagay iti manamnama para iti maysa a kameng ti linteg nga nasken ket makitaan iti panagraem ken disiplina.
Tapno masiguro ti kina-patas iti hanay, madama itan a naka-relieve dagiti karaman a Police Officers ken nakaipasidong dan iti kustodiya iti City Personnel Holding and Accounting Unit kabayatan iti agraraira a pormal nga imbestigasyon.
