Saan pay a natunton dagiti otoridad iti eksakto a lokasion ti pugante a businessman a ni Charlie Atong Ang.
Ti pannakapaay dagiti otoridad ket laksid dagiti kabaruan a 10 a raids nga insayangkat ti Philippine National Police (PNP).
Segun kenni Department of Interior and Local Government (DILG) Sec. Juanito Victor “Jonvic” Remulla, nupay negatibo amin dagiti lugar a sinarungkaran dagiti otoridad ket agtultuloy iti manhunt operations kontra kenni Ang.
Impakaammo pay ni Remulla a nupay adu ti naawatda a leads ken report a pimmanaw ti most wanted suspect iti pagilian, patien latta dagiti pulis nga adda pay laeng ni Ang ditoy Pilipinas.
Kabayatanna, immunan a naingato ti ₱20 million iti gatad ti pabuya nga indiaya ti ahensia ken ti PNP para iti sinoman a makaipaay ti impormasion maipanggep iti lokasion ni Ang.###
