Immatrasen ti beterana nga abogado a ni Lorna Kapunan kas legal counsel ti bilyonaryo a gaming tycoon a ni Charlie “Atong” Ang, masya a lawas kalpasan ti panangipila da ti reklamo kontra iti whistleblower a nangiraman iti kliyente na ti panangpapatay kadagiti mapukpukaw a mammallot.
Pinili ni Kapunan nga iabandona ti kaso tapno ipamaysa ti akem na kas volunteer private prosecutor iti umadanin nga impeachment trial ni Vice President Sara Duterte.
Nupay kasta, kitkitaen met ita dagiti House leaders iti posibilidad a panang-ikkat metlaeng kenni Kapunan kas prosecution panel gapo iti “bad optics” nga inggubuay ti isyu.
Iti agdama ket awan pay ti opisyal a kumpirmasyon manipud kenni kay Atty. Kapunan kabayatan nga umadanin ti tentative schedule ti panagrugrugi ti trial nga intuding ni Senate President Francis Escudero inton Hulyo 29.
Kabayatanna, gapo iti panaglosolos ni Atty. Kapunan iti kaso ni Atong Ang ket iggaman daitoy itan ti Rondain and Mendiola Law Office.
