LA UNION – Naglosolos kas tagapagsarita ti Office of the Vice President ni Atty. Michael Poa.
Kinumpirma daytoy ni Poa iti panagparang na iti panagdengngeg ti House Good Government and Public Accountability, seknan iti panangusar ti OVP budget ken iti isyu ti confidential funds.
Segun kenni Poa, saanen a konektado iti OVP agsipudta nalpasen ti consultancy contract na.
Sakbay a nadutukan kas tagapagsarita ti OVP ni Poa, nagserbi nga umuna kas Usec. ken Spox. ti Department of Education iti panawen ti panagtakem ni Vice President Sara Duterte kas sekretaryo ti ahensya.
Iti napalabas a panagdengeg ti Kamara, imbaga ni Poa a binilinna ti sigud a DepEd Undersecretary ken retired Major General Nolasco Mempin a kumiddaw ti sertipikasyon iti militar kas suporta iti pananggastos ti OVP iti P15-M confidential funds idi napan a tawen.
Naibutaktak pay a nangted ti militar iti nakiddaw a sertipikasyon ngem maipagarop a saan na nga ammo nga usaren daytoy a pang-justify iti budget ti opisina ti bise-presidente.
Immuna ti daytoy, tinakderan ni Vice President Sara Dutrete, a saanen a sumango iti anyaman nga imbestigasyon ti Kamara agsipudta mamati a mamul-pulitika laeng dagiti mammanday linteg.
