Nagpanawagan ti grupo a Bagong Alyansang Makabayan (BAYAN) para ti agtultuloy a protesta ti madagdagos a pannaka-transmit ti impeachment complaints ti Kongreas kontra kenni Vice President Sara Duterte.
Inaramid ti grupo ti panawagan idi kalman, aldaw ti Sabado, Enero 1 babaen ti maysa nga waragawag kasaruno ti umadanin a panagleppas ti Kongreso para iti panagkampanya ti 2025 midterm elections.
Impaganetget pay ti grupo a saan a dapat nga lapdan ni Presidente Ferdinand Marcos Junior ti independent COngress manipud iti panangiyendorso ti impeachment ket kunada a nasken a pokusan na laeng ket ti mangpalag-an ti kabibiag dagiti naririgat a pamilya.
Rumbeng pay kunada a sertipikaran ti Presidente ti wage hike bill kas priority measure.
Dinagadag met ti grupo nga BAYAN dagiti miyembro da para iti panangisayangkat ti vigil sadiay sangwanan ti Batasan tapno ilungalong ti pannakapatakyas kenni Bise Presidente Sara Duterte.
Malaksid iti daitoy, nagapelar met ti grupo kadagiti dakdakkel ken nalawlawa a protesta bayat ti anibersario ti EDSA tapno maparang-ay ti pannakaikkat ti amin a klase ti pork barrel ken tapno makondenar ti panagkunniber ken agtultuloy a panangirurumen iti pagilian.
Nupay kasta, maipalagip a ni Presidente Ferdinand Marcos Junior ket nasapsapa a nagkuna kadagiti nabiit pay nga interbiu a saan a naintiempuan ti impeachment ken awan ti pagimbaganna kadagiti tattao.
