LA UNION – Pimmigsa pay iti bagyo Leon ket adda itan iti typhoon category bayat nga adda iti kabaybayan idiay daya ti Cagayan.
Naudi a nasaripatpatan iti sentro ti bagyo iti kaadayu a 565 kilometro amianan-a-daya ti Virac, Catanduanes.
Kabuyog ti kapigsa ti angin a 130 kilometro kada oras asideg iti sentro ken kapegges nga 160 kilometro kada oras.
Agtur-turong iti laud, amianan-a-palaud iti 10 kilometro kada oras.
Maibasar iti track forecast ti PAGASA, ag-landfall ti typhoon leon iti daya a kabaybayan ti Taiwan inton malem wenno rabii ti Huwebes, October 31.
Posible pay a pumigsa ket agbalin a super typhoon ni Leon bayat ti kaadda na iti Philippine Sea ken umasideg idiay Batanes.
Namnamaen a rumwar iti Philippine Area of Responsibility (PAR) ti bagyo Leon inton rabii ti Huwebes wenno bigat ti Biyernes, Nobyembre 1.
Naipangato ti ballaag ti bagyo iti Signal #2.
Tropical Cyclone Wind Signal no.2 ket nakabayog idiay
-Batanes
-Babuyan
-Islands
-Eastern portion of mainland Cagayan (Gattaran, Baggao, Lal-Lo, Aparri, Camalaniugan, Buguey, Santa Teresita, Gonzaga, Santa Ana, Pe)
-Northeastern portion of Isabela (Divilacan, Palanan, Maconacon)
Tropical Cyclone Wind Signal no.1
-Rest of mainland Cagayan
-Rest of Isabela
-Quirino
-Nueva Vizcaya
-Apayao
-Kalinga
-Abra
-Mountain Province
-Ifugao
-Benguet
-Ilocos Norte
-Ilocos Sur
-La Union
-Aurora
-Northern portion of Quezon including Polillo Islands (General Nakar, Infanta, Real)
-Camarines Norte
-Eastern portion of Camarines Sur (Tinambac, Siruma, Goa, Lagonoy, San Jose, Garchitorena, Caramoan, Presentacion, Tigaon, Calabanga, Saglay)
-Catanduanes
-Eastern portion of Albay (Rapu-Rapu, Bacacay, City of Tabaco, Tiwi, Malilipot, Malinao, Santo Domingo, Manito)
-Northeastern portion of Sorsogon (Prieto Diaz, City of Sorsogon, Gubat)
