LA UNION – Agtultuloy iti isay-sayangkat nga imbestigasyon dagiti kameng ti San Fernando City PNP iti maipagarop a napasamak a panagtakawan iti pagtaengan ti maysa nga empleyado ti bangko ditoy syudad ti San Fernando.
Iti nasao a pagtaengan ket kukua ti managan Flordeliza Aromin, 50, addaan ti asawa, maysa a cashier iti maysa a bangko a nakabase iti Barangay Catbangen ditoy syudad, ken residente ti Barangay Pagudpud, San Fernando City, La Union.
Base iti report iti pulisiya, mapukpukaw iti 3 a nginginaen a relo, 4 a diamante a singsing, maysa a pares ti wedding ring, ken cash money a P20-k
Segun kenni Aromin, siniguro na met a nakarikep amin a ruangan ken tawa iti pagtaengan na, sakbay a rimwar idi Nobyembre 6.
Ngem idi agsubli ket naduktalan na iti puwersado a pannakadadael iti backdoor ken nawara iti living room, agingga a nadiskubre na a mapukpukaw metten dagiti nasao nga alikamen.
Agtultuloy iti panangduktal dagiti otoridad iti pakabigbigan dagiti suspek.
