LA UNION – Nagpositibo iti iligal a droga iti balay ti maysa a mister kalpasan iti insayangkat a panagsukimat iti nagtipon-puwersa a Bacnotan PNP ken PDEA Region One.
Maiyannurot daytoy iti search warrant nga impaulog ni Presiding Judge Victor Concepcion, Regional Trial Court Branch 66 (RTC 66) San Fernando City, La Union maikontra iti managan Henny Homulo, 48, addaan asawa, residente ti Barangay Bitalag, Bacnotan, La Union.
Kas resulta iti nasao a panagsukimat, nakakumpiskar dagiti otoridad iti tallo (3) small plastic sachet ti maatap a shabu ken maysa a big plastic sachet iti maatap a shabu.
Naamwan ti Bombo Radyo La Union a siguden a karaman ti subject person iti 2017 drug watchlist ti Bacnotan PNP ken PDEA.
Iti suspek ket sumangsango ita iti kaso a panaglabsing iti R.A. 9165
