LA UNION – Agtultuloy iti imbestigasyon dagiti otoridad iti report a maysa a pagtaengan ti manursuro iti maipagarop a sinerrek dagiti agtatakaw idiay Poblacion West, Rosario, La Union.
Iti biktima ket managan Cristeta Romoros, 42, residente ti nasao a lugar.
Maibasar iti report, naduktalan laengen iti biktima a mapukpukaw dagiti alikamen na idi makariing ti agsapa.
Kabilang dagiti maipagarop a natakaw ket iti laptop, tablet, mobile phone, sling bag a naglaun ti kuwarta nga umabot ti P1,500.00 agraman ti certificate of registration ti traysikel.
Kabayatanna, iti ocular inspection nga insayangkat ti Rosario PNP, agpar-parang nga awan ti puwersa a napasamak iti panang-serrek dagiti mangibrong iti nasao a pagtaengan.
Malaksid dayta, naamwan nga awanan ti lock iti backdoor ti pagtaengan a mapapati a simrekan dagiti saan pay a nabigbig a suspek.
