Awanen ti biag na idi a masarakan dagiti otoridad iti maysa a mannalon nga tumtumpaw iti karayan a sakopen ti Barangay Maragayap idiay ili ti Bacnotan, La Union Biyernes ti bigat.
Binigbig dagiti otoridad ti biktima a ni Adriano Abubo, 59 anyos, residente ti Brgy. Tammocalao, Bacnotan, La Union.
Iti nakalap nga impormasyon ti Bombo Radyo La Union manipud iti Bacnotan Police, sakbay nga napasamak ti insidente, nagturong iti taltalin ti biktima tapno pakanen dagiti taraken na nga ayop.
Agballasiwen ti biktima iti karayan idi mapasamak iti mapapati a pannakalmes daytoy.
Naamuan nga napigsa iti agos ti danom iti karayan idi napasamak ti insidente.
