Naitabonen ti bangkay ti lalaki a nasarakan a tumtumpaw iti kabaybayan nga paset iti Barangay Panicsican, San Juan, La Union.
Segun kenni Pol. Capt. Gerardo Macaraeg, hepe ti San Juan Police Station, kinuna na nga intabondan ti nasao a bangkay babaen iti pannakitinnulong ti local a gobierno ti nasao nga ili.
Maipalagip, a nasurok nga tallo a lawas iti napalabas sipud nasarakanda ti nasao a bangkay ti lalaki ngem awan iti nangsukon kenkuana.
Malaksid nga awan iti pabigbiggan iti nasao a bangkay, ti laeng tatto daytoy ti makita iti bagi na.
