Local news:Bangkay ng lalaki natagpuan sa gilid ng kalsada sa Barangay Lioac Norte, Naguilian, La Union. Hindi pa rin ito nakikilala.
Nai-post ni Bombo Radyo La Union noong Lunes, Nobyembre 20, 2017
LA UNION – Agtaltalinaed a burburtiya para iti pulisya ti nasarakan a bangkay ti lalaki idiay igid ti kalsada ti Barangay Lioac Norte, ili ti Naguillian, La Union itattay bigat.
Naammuan ti Bombo Radyo manipud kadagiti residente sadiay, malaksid iti nasao a bagi ti lalaki ket maysa a motorsiklo pay iti nasarakan ti nasao a lugar.
Sigun kenni C/Ins. Melanie Ordono ti Scene of Crime Operatives (SOCO) ti Police Regional Office-1, nangurungor iti tengged ti lalaki ken posible a maysa natadem a banag iti inaramat ti saan pay a nabigbig a suspek.
Base iti registration certificate a naala manipud ti nasao a motorsiklo, daytoy ket kukua ni Edward Soriano ti Barangay Acao, Bauang, La Union.
Kinuna met ni C/Ins. Cirilo Butigan Jr., hepe ti Naguilian Municipal Police Station, maysa kadagiti ipasidongda iti imbestigasyon ket iti makinkukua iti motorsiklo tapno maammuan ti makagapu no apay nga adda idiay crime scene ti luganna.
Ti nasao a bangkay ket mapatta-patta nga agtawen iti 30 hanggang 35-anyos; kalalaingan a pammagbagi; addaan ti katayag a 5’3″; ken nakakawes iti maong pants, cream sweater, ken red rubber shoes. (Abs Flores)
