LA UNION – Arestado iti maysa a 21-anyos a bar worker ken maipagarop a drug pusher, iti naisayangkat a buy bust operation dagiti kameng ti San Fernando City Police itay alas 4:00 ti parbangon iti Barangay Catbangen ditoy syudad.
Iti suspek ket nabigbig iti nagan a Noli Boy Flores, 21, baro, residente ti nasao a lugar.
Nakumpiskaran daytoy iti 5 a heat sealed transparent plastic sachet a maipagarop a shabu ken P500 drug buy bust money.
Adda itan daytoy iti custodiya dagiti otoridad ken manamnama a maidatagan ti kaso a panaglabsing iti R.A. 9165
Maibasar iti impormasyon a nakalap ti Bombo Radyo, nasurok maysa bulanen a sip-siputan dagiti otoridad dagiti garaw ti suspek, a maipagarop a newly identified drug personality.
Kabayatanna, nainget met a pinaglibakan ti suspek iti akusasyon kontra kenkuana.
