LA UNION – Burburtiya pay laeng iti pulisya ti napamasamak a pammaltog iti 16-anyos a barito a natay idiay Barangay Malabago, ili ti Mangaldan, Pangasinan.
Naammuan ti Bombo Radyo manipud ti Mangaldan Police Station, a siguden a karaman iti panagtakawan iti nasao a probinsya ti biktima a ni Jansen Reyes Landingin, residente iti syudad ti Dagupan.
Naaresto ken naipasidong daytoy iti salwad ti Regional Rehabilitation Center for Youth ti Department of Social Welfare and Development a nakabase idiay Bauang, La Union ti biktima, ngem naruk-atan met laeng daytoy.
Agtultuloy pay laeng iti imbestigasyon ti pulisya tapno maammuan iti motibo ti pammaltog.
Immuna iti daytoy, pinaltugan iti dua a saan pay a nabigbig a suspek ti biktima idiay Barangay Malabago idi rabii ti February 28, 2018.
