Dakkel ti maitulong ti Philippine Coast Guard iti inted ti Philippine Red Cross a 55-meter vessel.
Segun kenni Coast Guard Commandant Admiral Ronnie Gil Gavan, ibilangda a critical asset ti MV Amazing Grace.
Kinunana a ti barko ket mangidaulo ti panangipatulod kadagiti humanitarian missions, nangruna kadagiti adayo a lugar wenno kadagiti komunidad iti igid ti baybay.
Pinasingkedan pay ti hepe ti PCG nga usarenda ti barko tapno makadanon kadagiti residente ti Pagasa Island.
Usaren met ti Philippine Coast Guard ti barko kadagiti emergencies, didigra ken sungbat kadagiti krisis ti salun-at.
