Pinaglibakan ti baro a nadutokan kas Presidential Communications Office (PCO) a ni Secretary Dave Gomez a paset isuna iti tobacco industry.
Segun kenni Gomez, sakbay pay nga awaten na iti pwesto ket maysa isunan a private citizen.
Daytoy iti nagbalin a sungbat na kadagiti kumonkontra iti panakadutok na kas sekretaryo ti PCO.
Kenunana, nakasagana isuna a sungbatan iti panagdanag dagiti sumagmamano a sektor maipanggep iti appointment na, ngem iti umno a forum.
Inlawlawag na a resrespetoen na iti opinyon ti sabali.
Nupay kasta, kenuna ni Gomez a saan daytoy a maipanggep kenkuana, no di ket iti panangipakaammo iti publiko dagiti programa ken polisiya ni Presidente Ferdinand Marcos Jr. ken ti sibubukel nga administrasyon.
Ipaganetget na met iti kari na idi nagsapata iti pwesto a sipupudno a pagserbian iti presidente ken iti umili a Pilipino.
Maipalagip nga idi aldaw ti Biyernes ket nagsapata ni Gomez kas Sekretaryo ti Presidential Communications Office kasukat ni sigud nga Acting PCO Secretary Jay Ruiz a dinutokan ni Presidente Ferdinand Marcos Jr. kas miyembro ti Board of Directors ti MECO.#
