Isagsaganan ti pulisya ti kaso nga illegal possession of explosives kontra iti baro a maipagarup a nagpagongga ken naggandat a mangpabittak iti dinamita wenno maysa a kita iti improvised explosive device (IED) ti balay iti karirina idiay Barangay San Nicolas West, ili ti Agoo, La Union.
Nabigbig ti 19-anyos a suspek a ni Alejandro Mendoza, maysa a mangngalap ken residente ti nasao a lugar.
Iti report a nakalap ti Bombo Radyo manipud ti Agoo Police Station, maipagarup a binarsak ti suspek ti maysa a balay ken nagkarit daytoy iti riri iti bukodda a lugar.
Ginangatan pay ti baro ti maysa a blasting cap ken impurwakna daytoy iti nasao a bahay.
Gapu iti daytoy, dagus a nagresponde dagiti pulis kasaruno iti pannakakompiskar manipud iti ikot ti suspek iti tallo a dinamita ken 14 a pidaso ti blusting cap.
Agtaltalinaed iti pagbaludan ti suspek kabayatan a saan pay a naidatag ti kaso ken mauray pay ti resolusyon iti piskalya para iti sangsanguen daytoy a reklamo.
