BR LA UNION – Naggi-giddan a nangipatungpal ti panagngato ti presyo iti produkto a petrolyo dagiti kompanya ti langis.
Epektibo itay alas-6 ti agsapa a naipatungpal ti kanayunan a P1.00 iti kada litro ti gasolina.
Bayat a P2.00 ti ngimmatuan ti kada litro ti diesel idinto a ti kerosene ket ngimmato ti P1.50 iti kada litro.
Ibil-bilang a makagapo ti Department of Energy (DOE) iti panagngato ti presyo ti petrolyo ket iti agtultuloy a tensiyon idiay Iran.
Karaman pay a makagapo iti panagbaba ti balor ti piso kontra US Dollar.
