Nailako iti kantidad a $4.68-M wenno katupag ti nasurok P235-M iti basketball jersey ni NBA legend Michael Jordan.
Segun iti Sotheby auction idiay New York, insuot ni Jordan ti nadakamat a jersey iti championship season idi Chicago Bulls manipud 1996 agingga 1997.
Namnamaen dan a saan nga bumaba iti $4-M agingga $6-M iti madanon na daitoy manipud pay idi naianunsyo idi bulan ti Oktubre.
Inusar ni Jordan ti basketball jersey kadagiti 17 nga ay-ayam nangnangruna iti Marso 12, 1997, panawen a rookie pay laeng ni Allen Iverson idi nag-cross over isuna kenni Jordan a maysa kadagiti iconic highlights ti career na.
Pagaammo a kadawyan ket saan a maul-ulit ti jersey ni Jordan ti jersey na iti tunggal ay-ayam.
Malaksid iti nadakamat a jersey ket karaman pay iti auction ti dadduma a sanikua ni Jordan kas iti puraw a Bulls jersey, bandera nga insuot na idi nakaawat ti 1992 gold medal Olympics, ken warm-up top kasta met iti sneakers na manipud pay idi agay-ay-ayam isuna idiay University of North Carolina.
