BR LA UNION – Nagbalin a namaris ken naragsak iti naisayangkat nga Electric Float Parade idi rabii, Mayo 26, idiay ili ti San Juan, La Union.
Addaan daytoy ti tema a “Banga” manipud iti Danggayan Festival.
Nangrugi ti parada dagiti float idiay Taboc Bridge ket naitampok dagiti float a nangi-showcase ti traditional pottery ti San Juan, a maaw-awagan ti Surfing Capital of the North.
Dagiti nangabak iti Danggayan Festival Electric Float Parade ket iti sumaganad:
Champion: Oaquing, Catdungan and Bambanay
1st Runner-up: Talogtog, Caculangan and Sinapangan
2nd Runner-up: Naguituban, Panicsican and Urbiztondo
3rd Runner-up: Nagyubuyuban, Duplas and Balballosa
4th Runner-up: Aludaid,Legleg,Guinguinabang and San Felipe
Kabayatanna, iti interview ti Bombo Radyo kenni Barangay Kagawad Nial Yap ti Barangay Bambanay, San Juan, kinuna na nga immabot ti tallo a lawas iti panangaramid ken panangbukel da iti konsepto ti imparada da a float.
Kinuna na nga amin a participated float ket nagusar kadagiti materyal a makita ken partuat ti mismo nga ili, kangrunaanna iti banga, pakairamanan iti produkto pang-agrikultura ti San Juan a mais, palay, bukbukel, clay pots, bricks, ken lames.
