Adda itan ti natalged a kasasaad ti maysa a beach goer kalpasan a naisalakan daytoy manipud iti pannakalmes idiay baybay ti Barangay Taberna, ili ti Bauang, La Union.
Nabigbig ti biktima a ni Rene Boy Valdoza, residente iti syudad ti Paranaque.
Naammuan ti Bombo Radyo manipud iti Bauang Police Station, naglangoy ti biktima kaddua ti kaanakanna idi nga inguyod isuda iti danum ti baybay.
Insalakan ng immuna ni Valdoza ti kaanakanna, ngem inguyod daytoy iti baybay.
Dagus met nga immarayat ti rescuer isu a naisalakat met laeng daytoy ken naiturong iti hospital.
