LA UNION – Agtultuloy a masap-sapol iti maysa a beachgoer a kellaaat a nagpukaw bayat ti panagdidigos da iti kabaybayan a sakop ti Sitio Paratong, idiay Barangay Poblacion, Bacnotan, La Union.
Nabigbig iti biktima iti nagan nga Edgar Allan Orlino, 24, baro, residente ti Upper Brookside, Baguio City.
Maibasar iti report, iti biktima ken sumagmamano a gagayyem na ket napan nagdidigos iti kabaybayan a sakop ti nasao a lugar, idi kellat a nagpukaw iti biktima a mapapati a ginuyod ti dackel a dalluyon.
Dagus a nagpa-arayat iti gayyem ti biktima a managan Jeremiah Martes y Baliktad, 19, residente ti nasao met laeng idiay syudad ti Baguio.
Mainaig ti daytoy, naki-koordinar metten ti Bacnotan PNP iti Phil. Coastguard a nakabase idiay Barangay Darigayos, Luna, La Union ken iti MDRRMO ken PDRRMO tapno mangisayangkat ti search and rescue operations, para iti mapukpukaw a beachgoer.
