LA UNION – Malamlamayenen ita ti maysa a beautician kalpasan a naduktalan a natay daytoy iti uneg ti boarding house idiay Barangay Poblacion East, ili ti Rosario, La Union.
Nabigbig ti pimmusay a ni Arnel Carbonel, 28, residente ti nasao nga ili.
Naammuan ti Bombo Radyo manipud ti Rosario Police, maipagarup a naduktalan dagiti gagayyemna ni Carbonel nga awanen iti biag daytoy a nakaidda iti kamana idiay uneg ti nasao a balay.
Sakbay ti pannakadiskobre ti bangkay, maipagarup nagbalaw dagiti padana a beautician gapu ta saanen a sumsumrek daytoy iti palor.
Kabayatan, base iti inisyal a panangmmiris ti doktor ket natay ni Carbonel gapu ti maipagarup a pannakabatibat wenno bangungot.
