BR LA UNION – Siniguro ti Department of Social Welfare and Development (DSWD) a maipaay ti umiso a tulong iti pamilya ti senior citizen a natay bayat nga agur-uray ti ayuda para kadagiti apektado ti tikag a corn farmers idiay Cagayan.
Iti biktima ket nabigbig iti nagan a Wilson Corpuz, 67-anyos, residente ti Barangay Anquiray, Amulung.
Segun kenni DSWD Regional Director Lucia Allan, nupay saanen a maala iti P10,125 a tulong pinansyal iti sidong ti Emergency Cash Transfer, tulongan latta ti ahensya iti pamilya iti dadduma a kasapolan, kabilang ti pannakaitabon daytoy.
Naamwan a kellaat a napukawan ti puot ni Corpuz iti ruar ti pay-out site idiay kapitolyo bayat a magmagna tapno mapan mangan.
Naiturong iti ospital ngem naideklara a dead on arrival.
Iti insidente ket ipag-paganetget na iti kinapateg ti nasapa ken napaspas a distribusyon ti ayuda, nangruna para kadagiti senior citizen a kabilang kadagiti kangrunaan nga apektado ti kalamidad.
