Inlawlawag iti Bureau of Immigration (BI) iti panggep iti pannakaipatungpal ti special Association of Southeast Asian Nations (ASEAN) lanes kadagiti airports kas panagsagana iti isasangpet dagiti delegado ti 49th ASEAN Summit.
Segun kenni Immigration spokesperson Anisha Hadji Hassan, tarigagay dagiti special lanes a mapapartak ken mapasayaat dagiti proseso iti immigration kadagiti delegado ken maliklikan a matantan iti panangiproseso dagiti regular a pasahero.
Pakpakadaan iti ahensya iti panagdudupudop dagiti biyahero bayat nga umadani iti ASEAN Summit a maangay iti Nobyembre 15 agingga 17.
Gapo kadaitoy ket napateg iti kaadda iti operational arrangements tapno agbalin a naparpartak ken organisado iti proseso.
Kabayatanna, impatungpal pay iti BI ti heightened alert status nangrugi idi napalabas a lawas kas panagsagana iti nasao a panagtataripnong.
