LA UNION – Agtultuloy a sap-sapolen dagiti otoridad iti bagi ti maysa a lalaki a mapapati a biktima ti pammagsol idiay Barangay Quirino, Bacnotan, La Union idi rabii.
Daytoy ket kalpasan a maipagarop nga inlemmeng iti suspek.
Maibasar iti nakalap nga impormasyon ti Bombo Radyo La Union, iti biktima ket nabigbig iti nagan Jeffrey dela Cruz idinto a ti suspek ket kabsat ken ading ti immun-una, managan Jeric dela Cruz.
An-anopen met ita dagiti otoridad iti suspek, a mapapati a naglemmeng kalpasan ti insidente.
Agpar-parang iti report, a timpuar ti saan a panagkinna-awatan iti baetan ti agkabsat, agingga a nabagsol ti naud-udi iti manong na.
Agtultuloy iti isay-sayangkat nga imbestigasyon ti Bacnotan PNP iti nasao nga insidente.
