LA UNION – Bimmaba ti bilang dagiti cybercrime a nairekord ti Philippine National Police (PNP) iti umuna a kagudua ti 2024.
Maibasar iti datos ti PNP Anti-Cybercrime Group (ACG), 8,177 laeng ti nairekord a reklamo iti umuna a kagudua ti 2024 idinto a 12,808 ti nairekord iti umuna a kagudua ti 2023.
Kapada daytoy ti nasurok a 36% a panagbaba ti cyber crimes.
Sigun ti ahensya bimmassit dagiti nadumaduma nga insidente nga impadamag ti publiko, kas iti online selling, investment, ken debit/credit card fraud.
Pammaneknek daytoy, segun iti ACG, nga epektibo dagiti cybersecurity measures nga impatungpal ti gobierno.
Patien pay ti PNP-ACG nga epektibo dagiti cybercrime awareness campaigns nga iwayatna a nangipangato iti pannakaammo ti publiko kontra kadagiti online scams.
