LA UNION – Umabot iti pakabuklan a 374 dagiti nangidatag ti n Certificate of Candidacy (COC) para-Senador ken Partylist representatives para iti 2025 midterm elections.
Maibasar iti datos nga inruar ti Commission on Elections, 57 Senatorial bets ken 53 partylist organizations ti kimmamat a nagipila iti maudi nga aldaw ti filing period.
Kadagiti 374 a kandidato, 184 ti agpaibotos a senador bayat a 190 iti partylist organization.
Segun kenni Comelec Chairman George Erwin Garcia, dagus da nga adalen dagiti nagan iti listaan, kapasidad a mangiyuswat ti kampaniya, motibo iti panag-kandidato ken dadduma pay a konsiderasyon para iti nuisance candidate.
Segun kenni Garcia, target da a malpas daytoy sakbay nga ag-Disyembre tapno marugyan a dagus iti panag-imprenta kadagiti balota a mausar iti eleksiyon.
Segun pay iti Comelec chair, adalen a naimbag ti komisyon iti nagan ti amin a kandidato ken saan da a basta agideklara ti nuisance candidate.
Immunan nga imbaga ni Garcia a nagbalin a naannayas iti walo nga aldaw a filing period para iti 2025 midterm elections.
