BR LA UNION – Umaboten iti 78 a tattao ti bilang dagiti natay gaputi timmama a magnitude 7.8 a gingined idiay Mindanao, maibasar iti datos ti National Disaster Risk Reduction and Management Council (NDRRMC).
Ti nasao a report ket nairuar idi kalman, June 18, 2026, sangapulo nga aldaw kalpasan ti napasamak a nakaam-ames a panagdayyeg.
Segun iti konseho, kaadwan kadagiti naipadamag a natay ket manipud SOCCSKSARGEN region bayat a 21 idiay Davao region.
Nasurok kumurang a 1,339 ti naipadamag a nasugatan bayat a 30 a tattao ti agtultuloy a masap-sapol.
Nasurok nga 18,000 nga indibidwal ti agdama nga agtaltalinaed iti evacuation centers manipud iti nasurok kumurang nga 1.4 milyon nga apektado ti gingined.
Dagitoy ket manipud Zamboanga Region, Davao, SOCCSKSARGEN ken BARMM.
Inlawlawag ti NDRRMC a dagiti naipadamag a natay ket kasapolan nga idalan iti validation ti Management of the Dead and Missing, maysa nga opisina nga idaulwan ti Department of the Interior and Local Government (DILG).
