LA UNION – Iti saan a namnamaen a gundaway kabayatan a maar-aramid ti Dugong Bombo 2017 ket nagsarak ti agninong kalpasan iti  25 tawen.
 
Sigun kenni Bombo Elmer Tubiera a.k.a Bombo JeriVhal, station manager ti Bombo Radyo La Union, saanna a namnamaen a ti kasarsaritana a ni Fire Officer Crista Dacanay ket inanakna iti bunyag iti kumpadrena ken sigud chief of reporters iti estasyon nga adda ita idiay abroad.
 
Makatawen na pay laeng ni Dacanay idi a naudi a nakitana daytoy.
 
Iti pannakiuman ti Bombo Radyo iti  26-anyos a Fire Officer, kinunana a nakadulin pay laeng iti ladawanda ti ninong Jeri-na ken iyes-istorya met isuna iti amana a ni sigud a Bombo Buddy.
 
Maragsakan met daytoy gapu ta nakitana ti ninongna iti nasao nga event.
 
Ni Fire Officer Dacanay ket maysa met kadagiti nagbalin a successful blood donors ti Dugong Bombo idiay probinsya ti La Union.