LA UNION – Sap-sapolen dagiti otoridad iti dadduma pay nga adda pakainaigan na iti parcel ti droga a nakumpiksar dagiti otoridad idiay NAIA.
Segun iti Bureau of Customs (BOC), kabinnulig da iti Philippine Drug Enforcement Agency (PDEA) ken NAIA Inter-Agency Drug Interdiction Task Group (NAIA-IADITG) iti pannakalapped dagiti nasao a maiparparit a droga.
Maipagarop a maka-alarma daytoy agsipudta naidalan iti Central Mail Exchange Center (CMEC) idiay Pasay City iti cargo ken mabalin a nakalusot nu nagbaybay-a dagiti tao da.
Nupay kasta, maipagarop a kampante ti Bureau of Customs ken PDEA iti kabaelan ken kapadasan dagiti operatiba tapno maatipa dagiti kapada nga aktibidad.
Maipagarop nga adun ti nalapdan da ken kasapolan laeng a maitultuloy iti nairut nga screening iti airport .
Malaksid iti airport, istrikto pay iti ar-aramiden nga inspection dagiti otoridad iti bus terminals, ports ken dadduma pay a mabalin a wagas ti panagipatulod ti bagahe dagiti drug personalities nga adda iti likod ti illegal activities.
