Pimmanawen ni Senador Flávio Bolsonaro idiay Brazil a nagturong idiay Estados Unidos ita a Martes kalpasan ti pannakaabakna kenni Lula da Silva iti presidential runoff election a naangay idi Domingo.
Mapasingkedan a napan ti senador iti estado ti Florida a dagus a nakipagkita iti kabsatna a ni Eduardo Bolsonaro.
sakbay pay ti isasangpetna, inwaragawag ti administrasion ni US President Donald Trump nga ipalubosda ti visa application ti senador ken ti sibubukel a pamiliana a sumrek iti pagilian.
Agtalinaed a nalimed ken saan pay a nalawag iti publiko ti eksakto a ruta nga inusar ni Bolsonaro iti ipapanawna manipud iti teritorio ti Brazil.
Awan met ti opisial a pammatalged no plano ti senador ken ti pamiliana ti permanente nga agnaed iti Estados Unidos kalpasan ti resulta ti eleksion.
Agtultuloy ti panangtutok dagiti kameng ti media ken autoridad kadagiti sumaruno nga addang ti pamilia Bolsonaro mainaig iti karerana iti politika ken ti panagtalinaed iti ruar ti pagilian.
