Inrekomenda ni Senador JV Ejercito nga ag-leave of absense pay laeng ni Department of Public Works and Highways Secretary Manuel Bonoan iti kangitingitan ti maisaysayangkat nga imbestigasyon maipanggep kadagiti naanomalyaan a flood control projects tapno saan isuna a maka-impluwensya.
Inaklon ti manmanday-linteg nga agbalin a karit iti panang-dutok ti Officer-in-Charge agsipudta uray dagiti sumagmamano nga undersecretaries ken assistant secretaries ti ahensiya ket sumangsango met ti isyu. Isuta saan pay a panawen tapno aglosolos ti pwesto ni Bonoan bayat nga awan pay ti natibker nga ebidensya a direkta a maikonektar kenkuana kadagiti alegasyon.
Rumbeng met nga agresign ti sekretaryo no mapaneknekan a nagbiddut wenno nagkurang isuna kadagiti ghost flood control projects.
Kabayatanna, mamati ti Senado a maparmek iti iregularidad ken panagkunniber babaen ti regular a reshuffle dagiti district engineers tapno mapukaw iti familiarization da kadagiti politiko wenno opisyal ti gobyerno.
Iti dasig met ti Senado, impasigurado ni Ejercito nga awan ti kontratista kadakuada.#
