Sumangsango ita iti kaso a panaglabag iti RA 10591 o Comprehensive Law on Firearms and Ammunition ti maysa a Barangay Chairman kalpasan nga maalaan kadgaiti armas ken bala idiay Bangar, La Union.
Nabigbig daytoy a niBarangay Luzong Norte Chair Blandino Estrada Manahan Jr, 51, residente ti nasao a lugar.
Immuna ditoy, indaulwan ti operatiba ti Criminal Investigation & Detection Group, karaman ti M101st Maritime Police Station La Union ken Bangar Police Station a nagresulta iti pannakakumpiska ti (1) unit ti Black Cal. 38 revolver nga awanan ti bala; (30) pidaso ti bala manipud iti cal. 38; (17) shells ti cal. 38 revolver; (17) pidaso ti bala manipud iti cal. 45; (1) magazine nga adda (5) bala ti cal. 45; ken dadduma pay nga ebidensya manipud kenkuana.
Iti agdama ket agtaltalinaed iti kuerpo ti Bangar Police Station ti suspek para iti naan-anay a disposisyon karaman dagiti naala nga ebidensya kontra kenkuana.
