LA UNION – Intaray ti dua a suspect iti napapateg nga alikamen ti maysa a British national kabayatan a naka chaeck-in iti maysa nga resort iti Surfing Capital of the North idiay Barangay Urbiztondo ili ti San Juan, La Unon idi rabii ti Sabado.
Nabigbig ti biktima a ni Andrew Pruce, 45, baro, residente iti ili ti Bauang idinto a dagiti suspek ket pakaibilangan ti maysa a 19 anyos ken maysa a menor de edad agpada dagitoy a residente ti Barangay Taboc iti nasao nga ili.
Naamuan manipud iti San Juan Police, inbati ti biktima iti bag na iti ab-abangan na a cottage no sadino naglaon daytoy ti cellphone, eye glass, 1,230,400 vietnam dong, P1,800 pesos cash, ken bank cards.
Maibasar iti CCTV footage ti nasao nga resort, nabigbig ti dua nga suspect gapu iti panangiladawan ti trabahador ti nasao nga resort.
Iti insayangkat a follow up investigation dagiti otoridad naarestar dagitoy ken narekobre manipud kadakuada ti bag ti biktima nga inuram dagitoy idiay San Juan plaza.
Iti pannakiuman ti Bombo Radyo La Union kenni Pol. MSgt. Alfredo Fajardo, adda dagiti naglabasen nga kaso a nakairamanan dagiti suspek.
Segun met iti agkagikua ti resort, naggapu iti beachfront dagiti suspek no sadino ginundawayan dagitoy iti kinaadu idi ti tattao.
