Bimmisita ditoy Pilipinas ni British Prime Minister David ita nga aldaw, Marso 8.
Kinuna ni Department of Foreign Affairs (DFA) spokesperson Maria Teresita Daza a panggep ti panagbisita ti British PM a patibkeren ti enhanced partnership ken bilateral relations ti Pilipinas ken United Kingdom a nangrugi idi 2021 babaen ti panagpirma ti Joint Framework of the Enhanced Partnership.
Maysa kunana a gundaway ti panagbisita ni PM Lammy ditoy pagilian tapno adalen ti kooperasyon ti nagduduma a tay-ak kas iti trade and investments, defense, climate change, environment, agraman ti science and technology.
Malaksid iti dayta ket nakitaripnong pay ti British official iti Filipino counterpart na a ni DFA Secretary Enrique Manalo kasta met dagiti dadduma pay nga opisyales ti gobierno karamanen ti Defense Secretary a ni Gilbert Teodoro.
Napagsaritaan dagiti representante ti regional ken international issue nga adda panainaiganna ti commitment dagiti dua pagilian ti panangitandudo iti kapia, stability, ken rules-based order.
Nakatuding met ti courtesy call ti British official kenni Presidente Ferdinand Marcos Jr. ken makisarak isuna kadagiti kameng ti Philippine Coast Guard (PCG) ken Department of Social Welfare and Development (DSWD).
