Pagpalpalawagen ti Commission on Elections (COMELEC) Committee on Kontra-Bigay ni senatorial aspirant Camille Villar gapo iti mapapati a pannakairaman na ti kaso ti vote-buying a naangay iti maysa a panagtataripnong idiay Barangay Buhay na Tubig Imus, Cavite.
Maibasar iti naipasa a social media post ti anonymous complainant, makita ti arig na raffle a mangiwarwaras ti kwarta ken kadwa pay ni Villar iti entablado.
Segun kenni Kontra-Bigay Committee Head Attorney Teopisto Elnas Jr, daitoy ti imbestigaran da isu a mapatulodan ti show-cause order iti kandidato tapno ilawlawag a saan a kaso daitoy vote-buying.
Inlawlawag ni Elnas nga imbestigaran da pay nu karaman iti nadakamat a panagtataripnong iti campaign period.
Maibasar ti resolusyon ti poll body a Resolution 11104 maipanggep ti vote-buying, nupay saan a mismo a ni Villar iti mangiwarwaras iti kwarta ngem adda met iti presensya na iti panangiwaras ken panangawat ket paset latta daitoy iti presumptions ti resolusyon ken nasken a madepensaan daitoy iti kandidato.
Maikkan ni Villar ti tallo nga aldaw a mangilawlawag ken mabalin a daitoy ti agbalin a rason iti pannakadiskwalipikar na iti National ken Local Elections.
Ni Camille Villar ti kaunaan a national candidate a napilaan ti show-cause order nga adda pakainaigan na ti vote-buying ita nga midterm elections.
Kabayatanna, dagos na met a pinaglibakan ti alegasyon kenkuana ti poll body ken kinunana a ti panagtataripnong ket idi pay Pebrero 9 nga awan pay iti panawen iti kampanya.
Agtultuloy met a maimbestigaran ti insidente ken manamnama a maaddaan iti resulta sakbay iti eleksyon inton Mayo 12.
