BR LA UNION – Ni Cardinal Robert F. Prevost ti Estados Unidos iti nabotosan a baro ken maika-267 a Sto Papa ti Simbaan Katolika.
Maawagan kas Pope Leo XIV.
Ni Pope Leo XIV, agtawen ti 69, ket naipasngay idiay Chicago, Illinois idi Setyembre 14, 1955.
Nagadal idiay Villanova University and Catholic Theological Union idiay Chicago ken nagun-od na ti doctorate in canon law idiay Pontifical College of St. Thomas Aquinas idiay Rome, Italy.
Isuna ti kaunaan a Santo Papa manipud Estados Unidos iti pakasaritaan ti Simbaan Katolika
Tawen 2023 idi dinutokan ni Pope Francis kas prefect of the Dicastery for Bishops ken presidente ti Pontifical Commission for Latin America.
Kabayatanna, inaramid ni Pope Leo XIV, Cardinal Robert Prevost ti Unites States, iti “Urbi et Orbi” (to the city and to the world) message manipud iti balkonahe ti St. Peter’s Basilica, idiay Vatican, May 8, 2025.
