Naragsak nga inselebrar ti maysa a World War II Veteran ti ma-ika-100 na a kasangay idiay Barangay Nalvo Norte, Luna, La Union.
Iti pannakiuman kenni Janine, kaankan ti Centenarian a ni Juan Bagcal, nateng ti sekreto para iti atiddag a biag daytoy numan sagpaminsan ket agsida met ti karne.
Malaksid iti maaw-awat na a pension manipud iti panagbalin a war veteran padpadaananda met ti naan-anay a gatad nga ited ti Department of Social Welfare & Develpment (DSWD) a P100,000 kadgaiti tattao a nakadanon iti edad a 100.
Ni Bagcal ket maysa laeng a mannalon nga agingga ti agdama ket napigsa ken naragsak nga agbibiag iti sidong ti pamilya na.
