BR LA UNION – Inyanunsiyo ni sigud nga Ilocos Sur Governor Luis Chavit Singson iti maipagarop a plano a “one time, big time” rally kontra korapsiyon, ken maimbitaran dagiti agtutubo, simbaan, uniformed personnel ken amin a Pilipino a makikaysa.
Iti nasao a rally, posible nga agmartsa dagitoy agturong idiay Malacañang.
Iti agdama, awan pay ti naituding a petsa para iti posible a rally, ken dagiti makipaset kunana a grupo ti agdesisyon nu kaatnu da nga aramiden daytoy.
Kabayatanna, sinita ni Singson iti administrasyon ni President Ferdinand Marcos Jr., ket imbaga na iti maipagarop a multi-billion peso flood control projects idiay Ilocos Norte kas substandard wenno “ghost” projects.
Kabilang ditoy dagiti proyekto idiay Sarrat, Nueva Era, Adams, Pasuquin, ken Piddig, a kaadwan ket maipagarop a nasapa a nabayadan.
Iti salodsod nu ingkaso a makaswan isuna ti sedition kasaruno dagiti waragawag na kontra iti Presidente, situtured a simmungbat ni Singson ngem dagus nga inlawlawag na a saan nga agan-panawagan nga ikkaten ti Presidente, nudiket tumakder kontra iti graft and corruption, isunga saan kunana a maibilang daytoy nga inciting to sedition.
