Pormalen nga insubmitir ti dati a gobernador ti Ilocos Sur a ni Chavit Singson ti withdrawal na para iti kandidatura kas senador iti Commission on Elections (COMELEC).
Segun kenni Singson, lima nga aldaw a pinagpanpanunotan na ti desision. Kinunana nga uray saan nga agkandidato a senador ket agtultuloy latta a tumulong kadagiti grupo ti transportasion, partikular dagiti drayber ti jeepney, babaen kadagiti programana.
Patienna nga uray awan ti posisionna iti gobierno, matulonganna latta ti umili a Pilipino.
Innayonna a dina kayat a pakaruen ti ut-ot a marikriknana isu a nasaysayaat no ag-withdraw latta isunan.
Maipalagip nga idi Enero 12 ket pormal nga inwaragawag ni Singson ti withdrawal na iti kandidatura.
