LA UNION – Sumangsango iti kaso a panaglabsing ti Article 2, Section 5 ti RA 9165 wenno Comprehensive Dangerous Drugs Act ti maysa nga chef iti nalatak a resort & casino iti naisayangkat a buy bust operation idiay Barangay Catbangen syudad ti San Fernando, La Union.
Ti akusado ket maysa a 32 anyos a babae nga residente ti nadakamat a lugar.
Immuna ditoy, nangisayangkat ti operasyon dagiti tauhan ti San Fernando City Police, Philippine Drug Enforcement Agency (PDEA) Regional Office 1 ken dadduma pay nga unit ti kapulisan no sadino nakumpiska manipud iti akusado ti (2) heat shield transparent plastic sachet iti maipagarop nga shabu, (2) P500 peso bill a nausar kas buy bust money, ken (2) unit ti cellphone.
Naamuan nga agdagsen daytoy ti .02 grams ken addaan ti market value a P1,000 pesos.
Maibasar iti panagsukimat dagiti otoridad, maipagarop nga pusher ti akusado.
Iti agdama, nakabalud ti akusado bayat a maur-uray iti pannakaisango na iti korte.
