Nagpakdaar ti Ministry of Education ti China kadagiti estudyante da nga agplanplano nga agadal ditoy Pilipinas.
Daitoy ket gapo paylaeng iti mapalpaliiw a panagngato iti krimen a target ket dagiti Chinese nationals.
Babaen iti impaulog a pammakdaar ti Ministry mga impadamag met ti maysa nga state-owned Chinese media a Global Times, maballaagan dagiti estudyante nga adalen ken ikonsidera dagiti posible a pangta ti seguridad kasta met iti panangpangato iti awareness ti pudno a mapaspasamak kadagiti lahi da ditoy pagilian.
Nakalanad pay iti report ti Chinese Embassy a nakabase idiay Maynila a masansan a mapaspasamak dagiti insidente, a kadawyan ket adda pakainaigan na kadagiti local law enforcement, iti panang-harass ken panang-inspeksyon kadagiti negosyo dagiti Chinese nationals. Mainayon pay iti dayta ket dagiti mapaspasamak a political gatherings, protesta, ken demonstrasyon a mangpegpeggad met kadagiti institusyon.
Naballaagan ita dagiti Chinese nationals nga adaywan ti aniaman a political gatherings ket natatao a luglugar kasta met a strikto nga imonitor iti sitwasyon ken liklikan dagiti unnecessary outings.
Kinuna ti embahada da a suroten dagiti lokal a paglintegan, regulasyon, ken agtalinaed nga alerto kontra dagiti posible nga safety traps wenno scams.
Kabayatanna, awan pay met iti opisyal a waragawag ti Department of Foreign Affairs (DFA) mainaig ti kabaroan a pammakdaar ti Ministry of Education ti China kadagiti kailian da.
