Madama ita ti beripikasyon ti Armed Forces of the Philippines (AFP) mainaig iti Chinese military drills sadiay Bajo de Masinloc, West Philippine Sea.
Segun kenni AFP public affairs office chief Colonel Xerxes Trinidad, kumpirmaren da pay ti kinaagpaysuananna dagiti damag a pinagaraw ti People’s Liberation Army ti China iti armed forces da para iti military trainings kadagiti kabaybayan a sakupen ti Bajo de Masinloc.
Inaramid ti AFP official ti waragwag kasruno ti inruar ti PLA idi Huwebes a nagorganisar ti Southern Theater Command ti naval ken air forces tapno aramiden ti combat readiness patrols iti kabaybayan, tangatang ken aglawlaw ti Bajo de Masinloc nga awawagan ti China kas Huangyan Island.
Ti Bajo de Masinloc ket maawagan pay kas Scarborough shoal ken Panatag shoal, adda daitoy iti 124 nautical miles manipud kosta ti Zambales a nakastrek met iti 200 nautical miles ti exclusive economic zone ti Pilipinas ngem pilit a bagbagien ti China kas paset ti territorial waters da.
