Tallo nga aldaw kasangwanan iti selebrasyon ti Chinese New Year idiay HongKong ket nakadkadlaw ti dakkel a nagbaliwan daytoy iti biag dagiti tattao.
Iti pannakiuman ti Bombo Radyo La Union kenni Bombo International News Correspondent Emily Miranda OFW idiay Hongkong, kinuna na nga adda nagbaliwan iti selebrasyon ti Chinese New Year iti nasao a pagilian agsipudta idi nangrugi ti rally sadiat ket nabaliwan iti selebrasyon nangruna iti kaada ti Covid 19.
Nupay kasta, adda latta dagiti amo a nalukay a mangted ti a mangted ti angpao kadagiti tagaboda idinto nga adda dagiti saan a mangted.
Iti sabali a bangir, bimmaba metten iti kaso ti Covid 19 iti nasao a pagilian sipud idi napan nga lawas no sadino adda dagiti naipasidong a lockdown a sumagmamano nga lugar.
Gapu ti daytoy, nakalukaten dagiti sumagmamano a pagpasyaren kas dagiti parks ken mall.
Mainaeg iti sirrek dagiti estudyante, kinuna ti Department of Education idiay HongKong a mabalin nga agsubli ti face to face classes kalpasan iti Chinese New Year laketdi bumaba ti mailista a kaso ti Covid 19.
Kabayatan na, manipud February 13 -15 ti selebrasyon ti Chinese o Lunar New Year idiay HongKong.
