Inyanunsyo ti Civil Service Commission (CSC) ti panangipatungpal ti Flexible Work Hours para kadagiti kakabsat nga empleyado a Muslim ti gobyerno tapno maitultuloy da ti panag-ayuno a saan a makaapektar ti trabaho da.
Babaen ti baro nga schedule, ti kadawyan nga opisina nga 8am-5pm ket mabalin iti 5am-3:30pm.
Inlawlawag ti ahenysa a ti panagbalbaliw ti oras ti trabaho ket saan a maibilang nga undertime nu uray adda ti dua nga oras a naikissay.
Malaksid iti dayta ket mapalubosan da pay nga ag-break tunggal Biyernes iti 10am-2pm tapno aramiden dagiti aktibidad da iti Ramadan.
Dagiti flexible work arrangements ket maiyannurot met kadagiti allagaden a maalagaan ti pakaseknan dagiti empleyado ti gobierno bayat a masigsiguro ti epektibo a panangipadanon ti serbisyo publiko.
Inlawlawag pay ti CSC Resolution No. 00-0227 nga ti exemption a ”Biyernes” ket maipatungpal ti intero a tawen, saan laeng a tunggal Ramadan.
Kabayatanna, tapno masungbatan ti 40-oras a linawas a trabaho, palpalubosan ti ahensya a mangipatungpal ti flexible work schedules basta dagiti opisina ket saan nga aglukat ken agserra a nasapsapa ngem alas siete ti bigat ken naladladaw ngem ti alas siete ti rabii.
Dayta ket nakailanad ti CSC Memorandum Circular No. 06 a nairuar pay idi Hunyo 6, 2022.
Maparegta met dagiti empleyado a Muslim ti gobierno a makikoordinar kadagiti ahensya da tapno maipatungpal ti maiyannatop a flexible working hours kas maibasar iti daitoy a paglintegan.
Ti Ramadan ditoy Pilipinas ket opisyal a nangrugi idi Marso 2 aken agleppas inton Marso 31, 2025.
