BR LA UNION – Iti laksid ti napartak a panagdur-as ni Alex Eala iti world tennis, patien ti coach-na a ni Joan Bosch nga adu pay ti mabalin a mapasayaat iti ay-ayamna.
Iti maysa nga interbyu, kinuna ti Spanish coach a dandani amin nga aspeto ti ay-ayam ni Eala ket mabalin pay a ma-develop, agraman ti serve, return, forehand, backhand, volley, footwork, endurance, ken speed.
Segun ken ni Bosch, napateg ti proseso ti agtultuloy a panagsursuro ken panagdur-as para iti Filipina tennis sensation, banag nga epektibo nga ipakpakita ni Eala.
Impaganetgetna pay nga alisto a maiyap-aplikar ti Filipina tennis star dagiti baro a masursurona iti training, ken nalawag ti tarigagay a para daytoy iti pagsayaatanna.
Imbinglay pay ni Bosch ti kinapateg ti panagtalek iti nagbaetanda kenni Eala kas coach ken player.
Kabayatanna, agsubli ni Eala iti US Open, tapno makisalip iti women’s singles ken mixed doubles a kaduana ni Felix Auger-Aliassime.
Makipaset pay ni Eala iti Stars of the Open exhibition event.
