Inlaksid ti Commission on Elections (Comelec) ti application for accreditation ti nasurok a 130 a party-list ken political parties para iti 2025 national and local elections (NLE).
Kinuna ni Commission on Elections chairperson George Erwin Garcia a kitkitaen ti poll body a makompleto ti maudi a listaan dagiti party-list sakbay nga agngudo ti Agosto ken maisayangkat ti raffling ti numero para kadagiti kualipikado a grupo inton maikadua a lawas ti Setiembre.
Segun ken ni Garcia, kalikaguman ti poll body dagiti kualipikado a party-lists a mangisubmitir iti sangapulo a nominado ken saanen a palubosan ti pannakaisubmitir dagiti kanayonan a listaan ti nagan.
Karaman kadagiti gagangay a rason ti junking ti panagrehistro ket ti lack of requirements.
Di kumurang a 29 a kaso ken 17 a kaso para iti pannakarisut dagiti bukodda a motions for reconsideration ti nakasagana pay laeng iti sanguanan ti poll body.
Target ti Comelec a malpas ti resolusion sakbay ti raffling ti numero ken maipaskil iti website ti listaan dagiti kualipikado a party-list ken political parties.
Kabayatanna, impalagip ni Garcia nga Agosto 30 ti deadline ti pannakaipila ti sworn information update statement.
Maangay ti mid-term elections ti Pilipinas inton Mayo 2025.
