BR LA UNION – Imbestigaran ti Commission on Election (COMELEC) iti indanon a report kadakuada ni Pangasinan 6th District Representative Marlyn Primicias-Agabas, a nasaknap ti panaggatang ti botos iti masakopanna a distrito.
Sinuratan ti mammanday linteg da Comelec Chairman George Garcia ken Philippine National Police (PNP) chief Rommel Marbil gaputi vote-buying idiay ili ti Rosales, Balungao ken Asingan.
Maibasar iti surat, maipagarop a nagibunong ti sag-P3,000 kada botante iti kampo ti kumakandidato a ni Gilbert Estrella.
Ngem awan ti witness ti kayat na nga agparang gaputi panagamak da para iti biag dagitoy.
Intalek metten ni Garcia iti Committee on Kontra Bigay ti nasao nga isyu tapno siripen ti nasao nga alegasyon.
Maipalagip nga umaboten ti 213 a kandidato iti pagpal-palawagen ti COMELEC gaputi alegasyon a panaggatang ti botos.
